Saturday 19 May 2012

Ek Khwaab dekha, jisme tumhe dekha


Ek Khwaab dekha, jisme tumhe dekha

Ek Khwaab dekha
jisme tumhe dekha
tum lag rahe the achchhe
sundar, salone bachche
bachche hain hote natkhat
din bhar hain karte khat-pat
bachpan ki wo nadani
sunna dadi ki kahani
baarish ki wo pyaari naav
khelna - dhoop ho ya chaanv
masti bhare har mausam
      the awesome, awesome, awesome . . .

O...O...sorry for getting lost
     fir se start karta hun . . .

Ek Khwaab dekha
jisme tumhe dekha
tum saamne khade the
hum bike pe ade the
bike pe doston sang masti
karna raat bhar matargashti
birthday bumps ki laatein
wo proposals ki baatein
wo january ki ice-cream
Katrina in Gallardo ka dream
wo life kya sahi thi
      masti me kat rahi thi . . .

O...O...fir se bhatak gaya
      ek baar fir try karta hun . . .

Ek Khwaab dekha
jisme tumhe dekha
haule se jo tum sharmayi
mere dil pe keher dhayi
dil se bhi kuchh hamein yaad aaya hai
khidki khuli, ek chehra saamne paaya hai
muskaan to aisi hai katilana
kar deti hai mujhko deewana
surili aawaaj ka jo jaadu hai
kar deta dil ko bekaabu hai
par dooriyon se aankh bhar aayi hai
      gam aur khushi sang layi hai . . .

O...O...not again
lagta hai aaj din hi achchha nahi hai

chalo kisi aur din tumhe sunaunga
apna khwaab apni najron se dikhaunga
mood to hamara aaj bhi sahi hai
aur baat dil ne yahi kahi hai
ki

Ek Khwaab dekha
      jisme tumhe dekha . . .